şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Hələ də Uşaq Kimiyəm
Hələ də…hələ də uşaq kimiyəm!
Dindirsən,gözümün yaşı axacaq.
Ay Allah,işə bax,budaqlarımda
Bir neçə yarpağım qalıbdı,ancaq!
Hələ də…hələ də uşaq kimiyəm!
Bir gözüm ağlayar,birisi gülər.
Xəyalım dağlarda-daşlarda gəzər,
Başım dizlərimdə yatıb,mürgülər.
Xəyalım dağlarda-daşlarda gəzər,
Uçaram…uçaram,olub qaranquş.
Uçaram…duymaram başımın üstə
Dikib gözlərini gözümə bayquş…
Hələ də…Hələ də uşaq kimiyəm,
Fikrim səmalarda rəngli çərpələng…
Hələ də,hələ də qonmaq istərəm
Çiçəkdən-çiçəyə,sanki kəpənək!
Dinc olub,səngimir fırtınalar da,
Dalğalar qoynunda çatlaq gəmiyəm.
Sahilim könüldən,gözdən uzaqda,
Mənsə bir körpəcə uşaq kimiyəm…
Məzahir İsgəndər
www.kafiye.net
Yorum Yapın