şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
YOL GEDİRƏM
Hələ yol gedirəm ürəyimdə ah,
Mənzilə çatmağa çox var deyəsən.
Elə yol gedirəm sanki ay Allah,
Ana qucağına tələsirəm mən.
*
Bu yolda yolumu kəsən yox mənim,
Bir səbəb tapılmır məni ləngidə.
Elə bil vaxt-vədə kəsilib qənim,
Çıxmır yolum üstə Ərəbzəngi də.
*
Son nədir,hələ də sonu bilmirəm,
Çatdırır mənzilə anı ilində.
Bu yol hara gedir onu bilmirəm,
“Axirət “deyilir elin dilində.
*
Gah həlim,gah da ki qəzəbli olur,
Daim düşündürür ürək odamı.
Nifrət aparanda əzablı olur,
Rəhmət aparanda yormur adamı.
Nazlı Hacılı
www.kafiye.net
Yorum Yapın