şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
ET..
Vüsal gətir,həsrət gəlsə qovala,
Ümid doğsun sevgimizdə elə et.
Qəmi,dərdi süpür doldur çuvala,
Az nisgili sevdamıza şələ et.
*
Razı olma fələk döysün qapımı,
Dil tap,sevsin mələk döysün qapımı,
Ələ vermə külək döysün qapımı,
Lütf eyləmə,dərdi şərə tələ et.
*
İsit eşqlə məhəbbətin ruhunu,
Dondur,solsun qəbahətin ruhunu,
Qaldır göyə şərafətin ruhunu,
İnsafını vicdanına lələ et.
*
Bağlandısa kədər yolun dön,açma,
Sevgin yoxsa günəş olsan sön,açma,
Tikan görsən uzaq dayan,yanaşma,
Yanaşmanın məlhəmini gülə et.
*
Qəlbim sevda dolandırır yanınca,
Haqlı sansın eli haqsız sanınca,
Nazlı çalış,qanmaza da qanınca,
Yaxşılığı əldən qoyma,hələ et..
Nazlı Hacılı
www.kafiye.net
Yorum Yapın