şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
DEMƏDİMMİ?
Demədimmi sənə yazda dönərsən?
Bülbül gülün şəninə söz qoşanda.
Ağaclarda tumurcuqlar görsənib,
Dağ çayları guruldayıb coşanda.
Demədimmi sənə elə dönərsən?
Göydə günəş parlayanda yananda.
Qız-gəlinlər bulaq üstə toplaşıb,
Sevdiyindən hamı söz danışanda.
Demədimmi sənə elə dönərsən?
Yaşıl yamac laləli don geyəndə.
Yasəmənlər salxımlanıb budaqda,
Hər tərəfə öz ətrini yayanda .
Demədimmi sənə elə dönərsən?
Toy-büsatın vaxtında vədəsində,
Toy xonçası al-qırmızı bəzənib
Əllər üstə qız evinə gedəndə.
Demədimmi sənə səndə dönəsən?
Bu yollardan gözlərimi yığasan.
Axşamüstü gün batanda şər vaxtı,
Məhləmizdə sən qarşıma çıxasan.
23.03.2017
Nahidə Tağıyeva
www.kafiye.net
Yorum Yapın