şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
İ N A N M A M
(Bir nəfərin xahişi ilə)
İnanmam!..İnanmam!..İnanmam,yetər!..
Andın da,sözün də,özün də yalan!
Yalandı eşqin də,məhəbbətin də,
Odun-alovun da,közün də yalan!
Odun-alovun da,közün də yalan!
Toxunsam donacaq,buz olacağam.
Toxunsam,qar altda çicəklər kimi
Bir anda solub da,soluxacağam.
Toxunsam,donacaq,buz olacağam,
Toxunsam,gözümün odu sönəcək.
Toxunsam,dünyanın soyuq rüzgarı
Başımı-gözümü döyəcləyəcək.
Toxunsam,gözümün odu sönəcək,
Toxunsam,ah çəkib,göynəyəcəyəm.
Toxunsam,çıxarıb köynəyimi də,
Yerinə ah-zarı geyinəcəyəm.
Toxunsam,ah çəkib,göynəyəcəyəm,
Əlvida!..Ah,bu da ölümdən bətər!
Səsləsən,bir dönüb baxsam da,heyhat,
İnanmam!..İnanmam!..İnanmam,yetər!
Məzahir İsgəndər
www.kafiye.net
Yorum Yapın