ÖZÜN BİL..

Tənə eyləmirəm daha mən sənə,
Necə yaşayırsan yaşa, özün bil.
Vallah oxşamırsan daha sən sənə,
Sevgini vermisən xışa,özün bil.
**
Bir vaxtlar ovqatda saz idi eşqin,
Çox idi demərəm,az idi eşqin,
Mən səni sevəndə yaz idi eşqin,
Döndərdin şaxtalı qışa,özün bil..
**
Bir düşün,saxlama qışın tərəfin,
Müdrik ol,lənətlə çaşın tərəfin,
Sən Allah bülbül tək quşun tərəfin,
Vermə Bayquş kimi quşa,özün bil.
**
Sevgimi özgəyə bəsləmirəm mən,
Sənin də sevgini pisləmirəm mən,
Səni qul olmağa səsləmirəm mən,
Ol mənim qəlbimə Paşa,özün bil.
**
Nazlıyam,zənn etmə dil uzadıram,
Mən sənə barışa əl uzadıram,
Geriyə qaytarma,ləl uzadıram,
Bu da gəlməyirsə xoşa,özün bil.

Nazlı Hacılı.
www.kafiye.net