şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Rəbbim, Sənə sığınıram
Gecəni örtüb bürüyən qaranlığın şərindən,
Paxıllığı tutan zaman bir paxılın şərindən,
Bəd nəzərlə baxanda bədxahın nəzərindən,
Düyünlərə üfürən qadınların şərindən
Qurani-Kərin oxudum ,vaqif oldum dərindən,
Siratəl-Müstəqim tutdu bu yolda əllərimdən.
Oxudum,öyüd aldım Onun ayələrindən
Bəşərə düşmən olan o Şeytanın şərindən
Rəbbim, Sənə sığınıram,
Rəbbim, Sənə sığınıram.
Haqqa tutdun üzümü imanı kamil edən
Qəlbi nura boyayan o ilahi sevgidən
Doymadım səhər-axşam öydüm onu ürəkdən
Bər-bəzəkli dünyada nəfsə boyun əyməkdən
Rəbbim, Sənə sığınıram,
Rəbbim, Sənə sığınıram.
O bir Qiyamət günüdür ürəkləri titrədən!
O bir Surun səslənişi qulaqları kar edən!
O bir hesab günüdür ki ölüləri dirildən!
O Qiyamət saatında qaralacaq bir üzdən
Rəbbim, Sənə sığınıram ,
Rəbbim, Sənə sığınıram.
Rəbbim, Sənə sığınıram.
Tamara Rustamova Tenha Bulud
www.kafiye.net
Yorum Yapın