şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
BAHAR.
Yaşıl libasını geyib el-obam,
Gəzir addım-addım ölkədə bahar.
Məhəbbət o qədər boy atır babam,
Məhəbbət fəslidir bəlkə də bahar.
**
Sevgisiz qəlb kimi buzlaşan bulaq,
Buzunu əridir sevgi qazansın.
Gözəllər çeşməyə açırlar ayaq,
Bəlkə bəxti gülsün,elçi qazansın.
**
Quşlar nəğmə deyir biri-birinə,
Cavanlar can atır tonqal qalasın.
Qızlar dünya verər kəmər yerinə,
Bir mərdin qolunu belə dolasın.
**
Gülür arzu,istək,gülür saf amal,
Kaş belə duyğular hər qəlbə axsın.
Ondan dayanır ki,zirvədə qartal,
Vətən torpağına zirvədən baxsın..
**
Qızartı çökübdü,adi rəng deyil,
Üzümdə bu rəngi görən tül bilib.
Gözümə baxaraq nəğməsin deyir,
Deyəsən bülbül də məni gül bilib.
Nazlı Hacılı
www.kafiye.net
Yorum Yapın