şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Olum?
İstərsənmı ay Samirə,
Gəlim sənə sirdaş olum?
Bacı desən bacın olum,
Tənha qəlbə qardaş olum!?
****
Bil qoymaram darıxarsan,
Təkcə qalıb karıxasan,
Ay qız təklik deyil asan,
Qalım sənə yoldaş olum!
***
İstərmisən gəlim bacım,
Eyləyim səni baş tacım,
Bundan qeyri yox əlacım,
Yoxsa dönüm bir daş olum?
****
Qoymaram ki,çəkəsən qəm,
Gözlərindən öpərəm mən!
Dad çəkib təklik əlindən,
Pərvaz edən bir quş olum?
****
Haqdır sözü bu Solmazın,
Budur gəlir bahar-yazın,
Sən tək gözəl sərvinazın,
Üzüyündə bir qaş olum!!
05-03-2017
Solmaz Şirvanlı
www.kafiye.net
Yorum Yapın