şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Səninlə zirvəyəm,ucalan dağam!
Ruhum da,cismim də uçub dalınca.
Mən bir heç olaram sənsiz qalınca,
Fələk məndən bir gün canı alınca,
Sənsiz bir heçəm mən,solan yarpağam,
Səninlə xoşbəxtəm,qəmdən uzağam!
*****
Unudub özümü, sözümü daha,
Tutmuşam üzümü Qadir Allaha,
Çıxartsın zülmətdən aydın sabaha,
Sənsiz yolun azmış,çayam irmağam,
Səninlə havayam,suyam-torpağam!
****
Elə uzaqdasan yetmir əlim də,
Adın bitib gecə-gündüz dilimdə,
Sənsiz ətir saçmır bağda gülüm də,
Sənsizəm,küskünəm,pozuq növrağam,
Səninlə bir dünya,səsəm-sorağam!
****
Solmazam,aldığım nəfəsim də sən,
Dünyaya bağlayan həvəsim də sən,
Sevincim,şadlığım,şən səsim də sən,
Sənsiz yazılmayan adi varağam,
Səninlə zirvəyəm,uca bir dağam!
Püskürən vulkanam,qaynar ocağam!!
22-02-2017
Solmaz Şirvanlı
www.kafiye.net
Yorum Yapın