şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Şair Vidadi Ağdamlının “Gedirəm”adlı şeirinə Nəzirə!
Vətən yağı əlində!
Vətəni darda qoyub getməyimiz yamandır,
Yaralı bülbül kimi ötməyimiz yamandır,
Ölmə hələ qardaşım,sən yaz-yarat amandır,
Ölmək vaxtı deyil ki,Vətən qalıbsa darda,
Yurdlarım param-parça,könül də intizarda!
****
Vətən imdad umur bil,qardaşım səndən-məndən,
Yaraşmaz Vallah bizə dayanıb-durmaq gendən,
Dərdim birə min olub,Qarabağ gedən gündən,
Bir bax,yağı düşmənə,qənim olmur azar da,
Vətənim param-parça,könül də intizarda!
****
Daha qalxıb ayağa,atılmağın vaxtıdı,
Çərşənbə tonqalına ,çatılmağın vaxtıdı,
Yurdu yağıdan alıb,qatılmağın vaxtıdı,
Haydı igidim,haydı,bezdi qələm,yazar da,
Vətən yağı əlində,könül də intizarda!
*****
O torpağı almışdı bir vaxt bizə ərənlər,
Utansın,yerə girsin,pula satıb verənlər,
Qayıdaq,dönək yurda,barın-bəhrin dərənlər,
Bezib dərdin əlində,kağız-qələm,yazar da,
Torpaq yadda-yağıda,ürəklər intizarda!
*****
Solmaz,bəsdir ağladın,daha mərd,mübariz ol,
Qıy canını Vətənə,sən də şəhid,əziz ol,
Qəlbini Haqqa bağla,saf ol qəlbi təmiz ol!
Sənin ki,bir işin yox,nadan olan bazarda,
Qalx,yağıya tut divan,qurtarsın intizarda!
20-02-2017
Solmaz Şirvanlı
www.kafiye.net
Yorum Yapın