şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Bu səhər!
Dağların döşündə duran dostlara,
Düşmənin boynunu qıran dostlara,
Yurdunda abadlıq quran dostlara,
Alqışlar deyirəm mən də bu səhər!
*****
Ey Vətən övladı sevin bu yurdu,
Vətən basılmayır güclüsə ordu,
Nadanlar-yağılar qəsdinə durdu,
Nifrətlər yarandı təndə bu səhər!
****
Qoymayın bu yurda dəyə yad nəfəs,
Baxdım gözəlliyə eylədim həvəs,
Vətəndən uzaqda həyat bir qəfəs,
Düşdü tellərimə dən də bu səhər!
****
Vətən tanımiram,Vətəndən qeyri,
Vətənlə bölürük şər ilə xeyri,
Nuş olur canıma dağların seyri,
Hələ ki,durmuşam gendə bu səhər!
******
Solmazın da gücü sözünə çatır,
Gəzib dağ-dərəni,düzünə çatır,
Gücü pəhləvantək yüzünə çatır,
Olmuşam bir iğid mən də bu səhər!!!
30-01-2017
Solmaz Şirvanlı
www.kafiye.net
Yorum Yapın