şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Sonacan
Bu dünya durduqca,zaman keçdikcə,
Ömrümə yazılan duman keçdikcə,
Qəlbimdə şübhələr,güman keçdikcə,
Səni düşünəcəm,səni anacam,
Sənin olacağam inan sonacan!
****
Üz-üzə,göz-gözə,nəfəs-nəfəsə,
Saxla ürəyində salıb qəfəsə,
Açma ürəyini,demə heç kəsə,
Səninçün alışıb,sənə yanacam,
Hər kəlmə deyəcəm sənə Cana-Can!
******
Mənim bir dünyam var,bir həvəsim var,
Mənim sən adında bir nəfəsim var,
Ömrə bəzək olan bir qəfəsim var,
Bil sənin oduna daim yanacam,
Bir səni sevəcəm,səni anacam!
*****
Sənsizlik öldürər,zar edər məni,
Bu külli aləmdə xar edər məni,
Dünyamı qaranlıq,kor edər məni,
Sözündə doğru ol,yaşat sonacan,
De ki,sən mənimsən,sənin olacam!
******
Mən bülbül deyiləm,qonam hər gülə,
Sənsiz keçən ömür bil dönər ilə,
Solmazı,ayırma yaşat sevginlə,
Bir ömür yaşayaq gəl ki,sonacan,
İsit nəfəsinlə,qoyma dona can!
10-01-2016
Solmaz Şirvanlı
www.kafiye.net
Yorum Yapın