şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Şair Sakit İlkinin eyni adlı şerinə nəzirə.
Allah!
Gözəllərim əsir getdi,
Qandallandı yesir getdi,
Ürəklərdə nə sirr getdi,
Meyə meyil saldıq Allah,
Gör nə günə qaldıq Allah?!
***********
Donur millət qarlı qışda,
Ara vermir qar-yağış da,
Gedir əldən huş da,baş da,
Xəyallara daldıq Allah,
Gör nə günə qaldıq Allah?!
********
Günü-gündən bahalıqdı,
Təknədə un urfalıqdı,
Qarşı gələn qocalıqdı,
Qəm havası çaldıq Allah,
Gör nə günə qaldıq Allah?
**********
Qışın bu oğlan çağında,
Hər kəs donur otağında,
Bədən qızmır yatağında,
Necə heyif olduq Allah?
Gör nə günə qaldıq Allah?!
************
Yetsin dada qoy Yaradan,
Ölüm qoxan bu dünyadan,
Baş açmayır heç bir adam,
Kim idik,kim olduq Allah?
Gör nə günə qaldıq Allah?!
************
Millət oldu pərən-pərən,
Solmaz dərdə sinə gərən,
Ay bu dərdə çarə verən,
Kimə sayə saldıq Allah?
Gör nə günə qaldıq Allah?!
02-12-2016
Solmaz Şirvanlı
www.kafiye.net
Yorum Yapın