şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Soruşma.
Görsən saçlarıma dən düşür mənim,
Səbəbi yaşdan sor,dəndən soruşma.
Bilsəniz canıma dərd olub qənim,
Niyəsin qəm desin,şəndən soruşma.
*
Çox sözlər söylənir qüdrətim haqda,
Dastanlar yaranıb qeyrətim haqda,
Mənim xalqım haqda,millətim haqda,
Məndən sor,yad olan kimdən soruşma.
*
Qəmin acısını ağlardan soruş,
Həyatın barını sağlardan soruş,
Dağ haqda nə sorsan dağlardan soruş,
Dağın hikmətini çəndən soruşma.
*
Bizə pənahı var qadir Allahın,
Eşqə hökmü keçmir sultanın,şahın,
Məhəbbət istəsən yaxın gəl,yaxın,
Dayanıb uzaqdan,gendən soruşma.
*
Qəlbdən sev,qəlbimə gəlmək istəsən,
Elə gül,gül açsın gülmək istəsən,
El qızı olmamı bilmək istəsən,
Onu da eldən sor,məndən soruşma
Nazlı Hacılı.
www.kafiye.net
Yorum Yapın