şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
QALIB…
Gecə düşdü,ay oturdu taxtına,
Sən gəlmədin bağrım başı çat qalıb.
Nə qalıbdır daha sabah vaxtına,
Bəlkə ömrə bir ömürlük vaxt qalıb.
**
Kimi darda,kimi varda fırlanır,
Başım üstdə daha qar da fırlanır,
Heç bilmirəm bəxtim harda fırlanır,
Çaşdım dedim ,yəni məndə bəxt qalıb?
**
Məni üzən üzülməmə üzülmür,
Tərslik elə tərsə düşüb,çözülmür,
Vəfa gülmür,haqq haqq üstə düzülmür,
İnsaf,mürvet bu gedişə mat qalıb..
**
Qınaq yoxdur mənə baxan nisgilə,
Səd qoyulmur sel tək axan nisgilə,
Bir bax hələ mərdi yıxan nisgilə,
Xeyir dinmir,şər şənlənib şad qalıb..
**
Seven sevir ,eşq qolunda məst olur,
Nə yazıq ki,sevgidə də qəsd olur,
Yadlar gəlir qohum olur,dost olur,
Ama Nazlı ən doğmaya yad qalıb..
Nazlı Hacılı.
www.kafiye.net
Yorum Yapın