şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Solmaz Şirvanlı – Çingiz Kürdəmirli
Olacam mən
Solmaz:
Tuti-zəban olacam mən,
Ürəklərə dolacam mən,
Bu sözümlə, sorağımla
Yaddaşlarda qalacam mən.
Çıngiz:
Əziz bacım, belə demə,
Yoxsa ki, qan salacam mən,
Balta çalma ümidimə,
Baş-gözümü yolacam mən.
Solmaz:
Bu dünyanı dərk edəcəm,
Sufilər tək tərk edəcəm,
Çox şeyləri görk edəcəm.
Baş götürüb gedəcəm mən.
Çingiz:
Sən dünyanı dərk edirsən,
Çox şeyləri görk edirsən,
Yoxsa məni tərk edirsən,
Bilmirsən ki, solacam mən?…
Solmaz:
Qəm yüküyəm bu dünyanın,
Atəşlərə yandı canım,
Məni sevən bir insanın,
Qadasını alacam mən.
Çingiz:
Gecə-gündüzü yatmıram,
Sevdiyimi də atmıram,
Qadamı sənə satmıram,
Özüm qada alacam mən.
———————————-
————————————-
Solmaz:
Haqqın Mürşidiyəm, Valisiyəm mən,
Diqqət elə, lap haqq dilisiyəm mən,
Nadanlara hər an güləsiyəm mən,
Ruh olub göylərə uçacağam mən.
Çingiz:
Mürşid, Vali olmağından zərər yox,
Haqq dilisi olmağından xəbər yox,
Gülməkdən kimsəyə çünki xətər yox,
Ruhun göyə çatcaq, tutacağam mən.
Solmaz:
Solmazın, qəlbimi duyan olmadı,
Gözünün yaşını yuyan olmadı,
Bir kəlmə “can” sözün deyən olmadı,
Qardaş, ah-nalədən yanacağam mən.
Çingiz:
Çıngiz ürəkləri duyan olubdu,
Çox göz yaşlarını yuyan olubdu,
Can deyənçün canın qoyan olubdu,
Bacım, belə getsə, coşacağam mən.
10 .10. 2016.
Solmaz Şirvanlı – Çingiz Kürdəmirli.
www.kafiye.net
Yorum Yapın