şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Nə olar?
Elə qəribəm ki,öz elimdə mən,
Gəl birlikdə bir çay içək nə olar?
Nəğmələr bitirrəm bax dilimdə mən,
Gəl həsrət körpüsün keçək nə olar?
*********
Ürəyim səninlə,canım səninlə,
Damarda qaynayır qanım səninlə,
Şöhrətim səninlə,şanım səninlə,
Gəl vüsal şərbətin içək nə olar?
*********
Əllərim duada Haqq Dərgahına,
Könlüm bel bağlayır xoş sabahına,
Döndərib bil səni qibləgahına,
Yaxşını pislərdən seçək nə olar?
*********
Qoymayaq Vətəni qalmasın darda,
Solmazam,ürəyim saf arzularda,
Bəsdir biz yaşadıq qəmdə-qübarda,
Düşmənə od qoyaq,biçək nə olar?
14-09-2016
Solmaz Şirvanlı
www.kafiye.net
Yorum Yapın