şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
MƏNİ YOXLUĞUNLA SINAMA..
Əzaba,kədərə çox boyun əydim,
Məni yoxluğunla sınama ey yar..
Səni mən ömrümün sultanı sandım,
Məni yoxluğunla sınama ey yar..
**
Dərdimi yazmağa qələm də yetmir,
Gözlərin gözümdən heç bir an getmir,
Nə etsəm vallahi bu çiləm bitmir,
Məni yoxluğunla sınama ey yar..
**
Aylarca gözlədim,səndən xəbər yox,
Hardasan sevdiyim çox gözlədim,çox,
Sənsizlik oduyla az qəlbimi yax,
Məni yoxluğunla sınama ey yar..
**
Evim,bağım,bağçam həsrət qoxur gəl,
Hicran alov-alov qəlbi yaxır gəl,
İndi gözlərimdən sellər axır gəl,
Məni yoxluğunla sınama ey yar..
**
Səni şeir deyib yazdım sulara,
Yoxluğun çox çəkir könlümü dara,
Sayəndə rast gəldim borana,qara,
Məni yoxluğunla sınama ey yar..
Nazlı Hacılı.
9.09.2016.
www.kafiye.net
Yorum Yapın