şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
SƏN QOCALMISAN..
Mənə yaşlanmısan demə ay zalım,
Mən deyil,sən özün çox qocalmısan.
Çaş düşüb xəyalın,nədir bu halın?
Gözünə bir eynek tax,qocalmısan..
*
Dilin topuq vurur,əsir əllərin,
Arxada qalıbdır gözəl illərin,
Başında ağappaq olub tellərin,
Başına bir hena yax,qocalmısan.
*
Kənardan baxıram rəngin saralıb,
Hövsələn tükənib,qanın qaralıb,
O şən sifətində kədər yer alıb,
Dizində taqətin yox,qocalmısan.
*
Geyinib gəzirsən cavansayağı,
Bu geyim görünür bir az bayağı,
Ahıllıq axsadır hərdən ayağı,
Səbr elə ,dişini sıx,qocalmısan..
*
Hər ömrün bir başı,bir də var sonu,
Hər kəs geyə bilər qocalıq donu,
Doğrudur,boynuna almırsan bunu,
Nəzər sal özünə bax,qocalmısan..
Nazlı Hacılı.
www.kafiye.net
Yorum Yapın