şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
OXUMA,OXUMA MƏNİ,AY YAZIQ
Mənimlə gedənin yolları bitməz,
Mənimlə gedənin ayağı yalın!
Mənimlə gedəndən kimsə soruşmaz–
Yolun hayanadı, necədi halın?..
“”””””””””””””””””””””””””””
Kim məni oxuyar,yazıqdan-yazıq!..
Kim məni oxuyar,yuxu nə? Bilməz!..
Çarığı dəmirdən,əsası nallı
Dərviş olub,lal yollardan çəkilməz.
Kim məni oxuyar,yanar oduma,
Kim məni oxuyar,olar tar-kaman.
Nə yeməz,nə içməz,nə almaz nəfəs,
Nə məkan tanımaz,nə də ki,zaman…
Kim məni oxuyar,olar lüt-üryan,
Nə evi-eşiyi,yuvası olmaz.
Gəzər qərib-qərib,gəzər pərişan,
Nə səbri kəsilməz,odu soyumaz…
Kim məni oxuyar,məndən beş bətər
Çəkər də tərsinə siqaretini.
Yalvarmaz-yaxarmaz,nə ağrı duymaz,
Yarsan ürəyiini,kəssən ətini…
…Nə arayıb tapacaqsan məndə sən?
İçim də,çölüm də day,qaziq-qazıq.
Torpağın dən görməz,arxın damla su,
Oxuma,oxuma məni,ay yazıq!..
MƏZAHİR İSGƏNDƏR
www.kafiye.net
Yorum Yapın