şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
MƏNİ..
Ayrılıq kəlməsin dilinə alma,
Alarsan üz tutub arayar məni.
Gəl saf hissimizi qaraya salma,
Bir ömür uzunu qaralar məni…
*
Ürəyim sənsizlik oduna dözməz,
Dağlı ah dağları sıraya düzməz,
Min şirin şirnikib qəlbimi üzməz,
Bir acı beş yerdən yaralar məni..
*
Rəbbim əfv eyləyər qəbahət olsa,
Nisgil dərd gətirməz məhəbbət olsa,
İçində bir zərrə mərhəmət olsa,
Vüsalın həsrətdən aralar məni.
*
Tumarı,xumarı saxla sevginə,
Eşqin eşq deyilsə,ağla sevginə,
Bağlaya bilirsən,bağla sevginə,
Qoyma intizardan soralar məni.
*
Saxlama sevgimi zülümdə yalqız,
Görmək çətindirmi saçımı qarsız,
Səni tapacaqlar könlümdə yalnız,
Cərrahlar nə qədər yaralar məni.
*
Hacılı gen düşər təni tapmasa,
Mərd mərd ola bilməz dini tapmasa,
Səni də yaranlar məni tapmasa,
Öz içim içimdən paralar məni…
Nazlı Hacılı.
www.kafiye.net
Yorum Yapın