şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
MƏNİM YERİMƏ..
Canımı canına feda eyledim,
Hər acı kəlmənə bir can söylədim,
Verdiyin əzabdan yandım,göynedim,
Sən olsan neylərdin mənim yerimə?
*
Əlinlə qəlbimə xəncər çaxıldı,
Soyuq baxışların döndü ox oldu,
Ümidim sozaldı,eşqim yıxıldı,
Sən olsan neylərdin mənim yerimə?
*
Bir qulaq asmadın vicdan səsinə,
Düşdün bu dünyanın bəhsəbəsinə,
Döndün xəyanətin sərt kölgəsinə,
Sən olsan neylərdin mənim yerimə?
*
İtirdin əhdini,ilqarını sən,
İblisə dəyişdin öz yarını sən,
Yazdın saxta eşqin şüarını sən,
Sən olsan neylərdin mənim yerimə?
*
Yoluma verdiyin çənə də dözdüm,
Saçıma saldığın dənə də dözdüm,
Yıxıldım,yaxıldım,yenə də dözdüm,
Sən olsan neylərdin mənim yerimə?
Nazlı Hacılı.
www.kafiye.net
Yorum Yapın