şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
NƏDƏNSƏ..
Mənim ümid ilə döydüyüm qapı,
Üzümə çırpılır bəzən nədənsə.
Küsürəm taledən daha getməyim,
Düz ora aparır məni qədəmsə..
*
Bəlkə oradadır mənim qismətim,
Bəlkə o məkanda güləcəyəm mən?
Qara yol gedənməz mənim ismətim,
Ölsəm də ismətlə öləcəyəm mən.
*
Gah gülür bəxtimiz süzərək bizi,
Gah da qəm görünür taleyimizdə.
Hərdən gec anlayan bir adam kimi,
Əqli kəm görünür taleyimiz də..
*
Qəm heç öyünməsin,nə suç işlədim?
Sanmasın usanıb səhv edəcəyəm.
Nifrətə yön almır mənim xislətim,
Nəf etsəm sevgimdə nəf edəcəyəm..
Nazlı Hacılı.
www.kafiye.net
Yorum Yapın