şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
SEVƏ-SEVƏ UNUDACAĞAM
Sən demə deyilmiş vüsal qismətin,
Ömrü kədər imiş bu məhəbbətin.
Mənimçün olsa da çətindən çətin,
Səni sevə-sevə unudacağam!
Cəhənnəm əzabı versən də mənə,
Çatsa da dərdimin sayı lap minə,
Sonumuz ayrılıq olsa da, yenə,
Səni sevə-sevə unudacağam!
Pozuldu sevdalı ömrün ahəngi,
Yarımçıq toxundu vüsal çələngi.
Əbədi deyilmiş demək bu sevgi,
Səni sevə-sevə unudacağam!
Ayrılıq çəpəri saldıq araya,
Gərək ömrümüzü hicran daraya,
Qəlbimdə dönsən də göynər yaraya,
Səni sevə-sevə unudacağam!
Ürəyim səninçün etsə də qubar,
Demərəm məni də özünlə apar.
Çalış ki, adımı qəlbindən qopar,
Səni sevə-sevə unudacağam!
Olmadı həsrətdən qovan ömrümü,
Bürüdü fırtına, tufan ömrümü.
Vaxtsız qocaltsan da, cavan ömrümü,
Səni sevə-sevə unudacağam!
Bəlkə də bu yolda etmişdik günah,
Bununçün gecəyə verildi sabah.
Mənimçün dəhşətdi, zülmətdi, vallah,
Səni sevə-sevə unudacağam!
Mənsiz yaşasan da yüz il, ya min il,
Çalış göz yaşına eləmə meyil.
Bu fani dünyada nifrətlə deyil,
Səni sevə-sevə unudacağam!
28.04.2001
Zaur Vedili
www.kafiye.net
Yorum Yapın