şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
ELİMİN ÖZ DƏLİSİ..
Vallah,billah dəliliyim yox mənim,
Toz sevmirəm,toz dəlisi desinlər.
Söz əkirəm,hikmət versin söz dənim,
Barı mənə söz dəlisi desinlər.
**
Nəhs görəndə bacarmıram özümlə,
Cavabını ödəyirəm dözümlə,
Bəzən odu götürürəm gözümlə,
Deyirlər,qoy göz dəlisi desinlər.
**
Çəmən güldən,lalə xaldan xoşlanır,
Kimi kaldan,kimi baldan xoşlanır,
Mənim könlüm aldan,şaldan xoşlanır,
Yol vermərəm bez dəlisi desinlər.
**
Ay qara şər,nahaq düşmə izimə,
Heç vaxt tamah salmamışam üzümə,
Bağa girəm,tikan bata dizimə,
Dönüb mənə diz dəlisi desinlər.
**
Hacılıyam,eşq yolunda pəriyəm,
Nifrətə yox,məhəbbətə şəriyəm,
Kim qəlbindən keçir desin dəliyəm,
Qoy elimin öz delisi desinlər..
Nazlı Hacılı.
www.kafiye.net
Yorum Yapın