şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Şahinlər
Şahinlər şikarı göydə ovlayar ,
Hazır leşə cummaq məharət deyil .
Çaliş boş olmasin könül xəzınən ,
Varı başdan aşmaq səadət deyil .
Sönən alov köz altında gizlənir ,
Dərinliklər söz altında gizlənir ,
Astar olan üz altında gizlənir ,
Hər üzdə gözəllik məlahət deyil .
Hərdən dolay yollar azdırır bizi ,
Qohum da , tanış da qınayır bizi ,
Ömür pillələri sınayar bizi ,
Boş andlar, vədələr sədaqət deyil
Günlər müxtəlifdir qara , ağ kimi ,
Cavanşir çətində dayan dağ kimi ,
Küləkdən yellənən boş budaq kimi ,
Əyilib düzəlmək ləyaqət deyil .
1985
Cavanşir Əsgər
www.kafiye.net
Yorum Yapın