şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
AĞAPPAQ SƏHƏRİNİZ MÜBARƏK !
Açılan səhərin mübarək olsun ,
Nəfəsin mübarək, kəlmən mübarək ,
Hər gecə dünyadan köçüb getməyin
Hər səhər dünyaya gəlmən mübarək.
Günəş işığını salsın üzünə ,
Açılsın gözlərin çiçəklər kimi .
Doğul bu dünyaya, gəl bu dünyaya
Təzədən saf , körpə mələklər kimi.
Gəzsin dodağında bir xoş təbəssüm,
Unut ağrıları , at acıları .
Üzünü yuduğun bir ovuc sudan
Qalsın kirpiyində şeh damcıları.
Bir sevgi nəğməsi qonsun sinənə,
Quşların səsinə qarışsın səsin .
Sabaha bir ömür yol qalır hələ
Qazancdır bu günkü ruhun , nəfəsin.
Açılan səhərin mübarək olsun ,
Nəfəsin mübarək, kəlmən mübarək ,
Hər gecə dünyadan köçüb getməyin
Hər səhər dünyaya gəlmən mübarək.
Cavanşir Əsgər
Yorum Yapın