şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
Sənsiz-səninlə
Ömrümüz taleyin sərt sınağında,
Duyğular ürəkdə süzülüb gedir.
Yarpaq tökümüdür xəzan çağımda,
Qəlbim həsrətinlə üzülüb gedir…
Könlümün sultanı,bir məni dinlə!
Qəribəm dünyada sənsiz-səninlə.
Nə olsun şöhrətin zirvəsindəyəm,
Könüllər sevdamın həsrətindədir,
Eşqin Minasının qurbanıyam mən,
Qəbulum o doğma surətindədir.
Könlümün sultanı,bir məni dinlə!
Qəribəm dünyada sənsiz-səninlə.
Gedirəm,əngəllər qarşımı kəsir,
Batır ümidlərim dərin sularda…
Qəlbim üsyan edib özümdən küsür
Eşqimə qoyduğum qadağalarda.
Könlümün sultanı,bir məni dinlə!
Qəribəm dünyada sənsiz-səninlə.
Dəyişib bu Tənha Bulud adımı,
Adımın üstündən silə bilmədin.
Dağıdıb gecəmin qaranlığını,
Günəşin yanına gələ bilmədin.
Könlümün sultanı,bir məni dinlə!
Qəribəm dünyada sənsiz-səninlə.
01.06.2019
Tamara Rustamova Tənha Bulud
www.kafiye.net
Yorum Yapın