şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
EYLƏMİŞƏM..
Vurduğun yaralar dərin olacaq
Gör nəyi özümə nəf eyləmişəm?
Könlünü sanırdım yerin olacaq,
Demə yer seçməkdə səhv eyləmişəm..
*
Soyuq baxışların gözü süzdürür,
Həsrətin canımı dərdə əzdirir,
Özgələr qəlbində sevinc gəzdirir,
Mən qəlbi ələmə rəf eyləmişəm.
*
Bu hal içimizə axı qan çilər,
Bu qan vücudumu həyatdan silər,
Məni dəfçi sanır görən dəfçilər,
Dizimi döyməkdən dəf eyləmişəm.
*
Sağ ikən məzarlıq hörürsən mənə,
Hər qəmi sən rəva görürsən mənə,
Hələ yandı-qındı verirsən mənə,
Bir dəfə demirsən səhv eyləmişəm.
*
Nazlını incidib batdın günaha,
Səcdə et,duanı yetir Allaha,
Məndən əfv etməmi diləmə daha,
Mən səni sənsiz də əfv eyləmişəm.
Nazlı Hacılı
www.kafiye.net
Yorum Yapın