şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
QURBAN OLUM
Nə cənnəti tanıyan ,nə cəhənnnəmi bilən,
Etdiyi yaxşılıqdan qəlbi sevinib gülən,
Ağzının tikəsini yetimlərə yedirən
“Dinsizin-imansızın” dininə qurban olum.
Alış veriş edirik muzdur ibadətindən,
Dilənirik Allahın geniş səxavətindən,
Xəsislikdən əl çəkib , Onun bərəkətindən
Məzluma əl tutanın dininə qurban olum.
Ruhun ehtiyacıdır nəvaziş, mehribanlıq,
Bəşəriyyət məhv olar, zəfər çalsa yamanlıq.
Sevginin işığında yox olacaq qaranlıq,
Vəhdətin ,qardaşlığın dininə qurban olum.
Tənha Bulud, sən də bir qəlbini gözdən keçir,
Mərhəməti ,qayğnı ,sevgini gözdən keçir,
Deyirsən müsəlmanam ,dinini gözdən keçir,
Qalıbsa insanlığın , dininə qurban olum .
Tamara Rustamova Tenha Bulud
www.kafiye.net
Yorum Yapın