Əlac varmı de,bu dərdə?
Şahidimdi yer də,göy də,
Eşqin adı gələn yerdə
Nə durub,nə yorulmuşam.

Görüb də ki,məni çaşıb,
Demə,saçım kal çallaşıb,
Gah sellənib,gah vamlaşıb,
Çox lillənib,durupmuşam!

Bir göz yumub,gözüm yatmaz,
Dözümümə dözüm çatmaz,
Od-alovum məni atmaz,
Kim deyir ki,soyumuşam?

Məzahirəm,qocalsam da,
Ömrü-günü borc alsam da,
Min yıxılıb,ucalsam da,
Durub,təzdən qurulmuşam!

Məzahir İsgəndər
www.kafiye.net