Daş olasan

Bir balaca bərk olasan

Soyuqqanlı daş olasan…

Qaranquşlar qayıtmalı,

Güllər çoxdan açılmalı

Yaz soraqlı səmənilər

Niyə sonda tullanmalı?

Boşuna baş yormamalı…

“Xətrin” üçün ad alasan;

Zəmanəylə ayaqlaşıb,

Filankəslə salamlaşıb

Qaraya ag boyayasan…

Yalana bel baglayasan.

Gəl olma sən, coxda zərif

Lap yalannan eylə tərif;

Pisliyirlər ? pis deginən .

Şor deyirlər?

                 bal deginən .

Düzdən uzaq sən olginən

Deməsinlər sənə hərif.

Soyuq başa buz baglama,

Hər ,,yaxşıya”bel baglama,

Gedən üçün yas saxlama

Yaşı quruya calayıb,

Sonra; “külü mənə qalıb”,

Döyüb, başına aglama !

Qaranquşlar gec gəlsə də,

Bagçanda gül bitməsə də,

Bülbül ötüb, ötməsə də

Səməni gözdən düşsə də,

Həyat budur, dözməlisən

Çalışasan, necə varsan,

Lap yansan da,yaşayasan!

Fəridə Köçərli

www.kafiye.net