DƏRDLİ-DƏRDLİ..
Vəfasızlıq gördüm səndən,
Qaçammıram qüssə-qəmdən,
Hərdən küsüb bu aləmdən,
Dolanıram dərdli-dərdli..
Günah səndə oldu namərd,
Qəlbimi etmisən qarət,
İçimi oyduqca bu dərd,
Dolanıram dərdli-dərdli..
Danışsam sözüm ağlayır,
İçimdə dözüm ağlayır,
Könlümü hicran dağlayır,
Dolanıram dərdli-dərdli..
Nə gündüzüm,nə gecəm var,
Canımı üzdü intizar,
Ölsem,qalsam,nə fərqi var,
Dolanıram dərdli-dərdli..
Nazlı Hacılı.
