şiir. öykü, makale, deneme, tiyatro, masal, fıkra, anı, sohbet, röportaj yazılarının yayınlandığı uluslara arası yazar ve şairlerin katılım gösterdiği edebiyat sayfasıdır. Uyum platformudur.
O C Ü R
Q A L A Y D I Q
Kaş,elə o cürə qalaydın,gülüm-
Dodaqda təbəssüm,gözdə fərəh,şən…
Başına nə duman,çən qonmayaydı,
Solmayaydı yollarında nə gülşən!
Qonmayaydı başına nə duman,çən,
Çəkməyəydi dil-dodağın bir ah da!
İtməyəydi təravətin,nə ətrin,
Yazmayaydı bu yazını Allah da!
Dodaqda təbəssüm,gözdə fərəh,şən,
Olaydın qönçə-tər gül budağında!
Xəzan görüb,tökməyəydi yarpağın
Kolun-kolağatın,nə budağın da!
Olaydın qönçə -tər gül budağında,
Solub-solmayaydı nə bənizin də!
Üzəydin qəlbində min arzu-istək
Sevinc dənizində,şən dənizində!
Çəkməyəydi dil-dodağın bir ah da,
Qonmayaydı gözlərinə damla yaş!
Qurşaq tutub,bu dünyayla savaşda
Həmişə xeyrinə bitəydi savaş!
Solub-solmayaydı kaş,o bənizin,
Baxıb da güzgüyə,sıxılmayaydın!
Anıb bir-birindən o xoş günləri,
Od yeyib,od içib,yaxılmayaydın!
Qonmayaydı gözlərinə damla yaş,
Sən mənə,mən sənə o cür dalaydıq!
Verib ömrümüzdən qalan günləri,
Nə ola,ölüncə o cür qalaydıq!..
Məzahir İsgəndər
30.04.2020.
www.kafiye.net
Yorum Yapın