Конкурска

КҮЛКҮҢДӨН КҮН УЯЛАТ ШИРИНИМ

Күлкүңдөн күн уялат,

Жайнаган жарыгым ай.

Жүзүмдөй мөлтүрөгөн,

Кылыгы шириним ай,

Быйтыйган колдоруңду,

Кытылдай сермелесең,

Эзилииип бара жатам,

Жанымдын жартысы ай.

Жүзүңдү айдан коруйм,

Уктасаң узун түндө..

Жытыңа магдыраймын,

Боорума кысып күндө.

Эжигей жытыңдан ай,

Эргидим, кубат алып.

Унутуп бүт көйгөйүм,

Үмүтүм кайра жанып.

Жагымдуу түйшүгүңө,

Кубанып түйшөлөмүн.

Каалабайм эч убакта,

Кабагың бүркөлгөнүн.

Сурооңо жооп таппай,

Баш чайкап күлүп алам.

Карегим, кара көзүм,

Жүргүнүң эсен-аман..

Бүлкүлдөп таттуу ууртуң,

Аруулук назын сунат,

Билгенге бул ирмемде,

Не деген бакыт турат.

Ууртуңдан күлкү кетпей,

Жайнагын, күлө бергин.

Кагылыып кетейиним,

Жайдары жүрө бергин..

Кундузбү Маматова

Куку

02.06.2020
www.kafiye.net