YOXSAN,VƏSSƏLAM



Hər gün yollarını aradım durdum
Hər gəlib-gedəndən mən səni sordum
Canım həlak oldu,özümü yordum
Nə səndən xəbər var,nə də bir salam
Daha mənim üçün yoxsan,vəsslam…
**
Dərdimi söylədim dağlar əridi
Kədər üzərimə qəfil yürüdü
Həsrət saçlarımdan tutdu sürüdü
Həyatım virandır,ömrümsə talan
Daha mənim üçün yoxsan,vəssalam..
**
Ayrılıqdan olub rəngim bəmbəyaz
Ya bir xəbər yolla,ya bir məktub yaz
İnsan bu qədər də vəfasız olmaz
Dərdimə olmadı bir çarə qılan
Daha mənim üçün yoxsan,vəssəlam..
**
Sənin hər kəlmənə şəksiz inandım
Verdiyin zülümdən yandım,ha yandım
Səni ürəyimin sultanı sandım
Demək sözlərin də,eşqin də yalan
Daha mənim üçün yoxsan,vəssəlam..

Nazlı Hacılı.

www.kafiye.net

huseyindurmus