Yenə bahar çağında üşüsə də ürəyim,
Ürək dönməz hökmündən, yaşayacaq diləyim,
Həsrət müthiş zülümdü, vüsalımız gərəyim,
Vüsala çatmasam da çatar sənə sözlərim.

Yenə gecələrimdə ulduzuma çönübsən,
Ruhum olub yenidən sən canıma dönübsən,
Təbəssümlə anıram, göy üzündən enibsən,
Sənlə bəxtiyar idim, səndə qalıb izlərim.

Yenə nur səpəcəkdir yolunda məhəbbətim,
Üzünə güləcəkdir yenidən səadətim,
Büdrəsə də eşqimiz usanmaz ülviyyətim,
Yaşadacaq sevgimi ülvi, təmiz hisslərim.

Seadet Rzayeva Qerib
www.kafiye.net