Ana laylası kimi könülləri oxşayır o,
Dünyaya sığışmayan geniş dünyadır musiqi.

Dinclikdir ,rahatlıqdır yorğun olan bəndələrə,
Aydan da ,Günəşdən də parlaq ziyadır musiqi.

Ofsundur, möcüzədir, tilsimdir başdan ayağa,
İlahi, həqiqətdir yoxsa röyadır musiqi?!

Nəfəsin çatışmasa gecə – gündüz dinlə onu ,
Çünki səni sən edən ruhdur, havadır musiqi.

İlahi vergisidir hər bir insan əhli üçün,
Ey Zaur, etdiyimiz gözəl duadır musiqi.

25-Mart—2011
Zaur VEDİLİ
www.kafiye.net