Subtotal $0.00
Email :12
Verdin.
Mən sənə ömrümün qönçə gülünü,
Sən mənə əzablı günləri verdin.
Mən sənə ən ülvi,ən pak sevgimi,
Sən mənə fəryadı,ünləri verdin.
Sən mənim bəxtimdə bir həsrət yükü,
Min fitnə-fəsadlı bir acgöz tülkü,
Mənim taleyimə ömürlük bürkü,
Ən müdhiş,ən acı günləri verdin.
Ey könül,bağlanma nadan-nakəsə,
Yaz gəlib bülbüllər düşüb həvəsə,
Ay namərd,Solmazı salıb qəfəsə,
Ahutək mələyən dilləri verdin.
Mart 1998
Müəllif:Solmaz Şirvanlı
