UYMADI..

Necə fəth elədin mənim könlümü,
Könlüm səndən özgə kəsə uymadı.
İstədi aldatsın qənim könlümü,
Sözləri çəp gəldi,nəsə uymadı.
*
Başımın üstünü çox aldı çənlər,
Uymadım nə qədər çoxaldı çənlər,
Necə ki zərgər tək zəri sevənlər,
Dəmirə uymadı,misə uymadı..
*
Qiymətli ləl yoxdur sevgi ləlindən,
Sanki əyar alıb qızdan,gəlindən,
Təbiət səsini alar əlindən,
Kim əzan adlanan səsə uymadı.
*
Yaz gələr,əriyər buz vədəsində,
Ocaq gözəl olur köz vədəsində,
Deyərdim,yaxşı ki,öz vədəsində,
Nazlı yaxşı seçdi,pisə uymad..

Nazlı Hacılı
www.kafiye.net

huseyindurmus