Ümidlər oyanır, artdıqca güvən.
Qorxuram sevinəm, bəlkə də tezdir,
Ümidər oyanır artdıqca güvən…
Əsgərim düşməni yandıran közdür,
Şəhidim qanıyla vətənə məlhəm.
Ümidlər oyanır, artdıqca güvən.
Yollara yolçuydu leysanlı gözüm,
Yayım payız olub,gülməyib üzüm…
Köçəndə dünyadan dəyişib sözün,
Daha söyləməzlər-qaçqındır ölən,
Ümidlər oyanır, artdıqca güvən.
Sızlayıb, yormaram söz verrəm, dostlar.
Zəfər şərbətinə yazaram tostlar,
Desələr ömrünə qalıb saatlar,
Deyərəm xoşbəxtəm, Laçınımla mən!
Ümidlər oyanır artdıqca güvən.
Fəridə Köçərli İbrahimova
02.10.20.
www.kafiye.net
