Çəmənin gülzarı süsən ,sünbülü
Könüllər oxşayar al-qızılgülü
Kol dibində qanqal xar eylər gülü
Qanqal bənövşəyə tay ola bilməz

Qartalın baxışı ürək yandırar
Durnanın qıyy səsi həsrət andırar
Bülbülün nəğməsi gülü yandırar
Sərçələr bülbülə tay ola bilməz

Başı qarlı dağa təpə deyilməz
Bənzəzə tikana çiçək sevilməz
Palıd söyüd deyil əysən əyilməz
Yulğunlar palıda tay ola bilməz