TANRI QORU SEVGİMİZİ
Keçib həyat sınağınnan,
Həm qarası,həm ağınnan.
Bəd dillərin qınağınnan,
Nə olar hifz eylə bizi,
Tanrı qoru sevgimizi.
Nələr çəkmədi başımız?
Qurcalandı yaddaşımız.
Sel olsa da göz yaşımız,
Ayırmadın qəlbimizi,
Tanrı qoru sevgimizi.
Bu eşqin öz tarixi var,
Hər addımı boranlı qar.
Ayrılığı gəl sən apar,
Heç qoparma əlimizi,
Tanrı qoru sevgimizi.
Hey dalaraq xəyallara,
Əl uzanır səmalara.
Sənə olan dualara,
Əsirgəmə dilimizi,
Tanrı qoru sevgimizi.
Tanrı qoru sevgimizi.
Müəllif.
Metanet Duyğulu.05.09.2018.
www.kafiye.net
