Çingiz:
Salamın vaxtında gəlir,
Yolların hər an izlənir,
Qulaq ver, çox şey sözlənir,
Az da olsa, qanıram mənə

Solmaz:
Hər sözünü böləcəyim,
Qədəmində öləcəyim,
Ay sabahım, gələcəyim,
Taleyimin naxşısanmı?

Çingiz:
Hər sözü bölmə, nə olar?!
Dost tək bizə gəl, nə olar?!
Yolumda ölmə, nə olar?!
Dərdlərinə yanıram mən….

Solmaz:
Sənsiz ömür, ömür deyil,
Solmaz nə daş, dəmir deyil,
Daşda bitən mamır deyil,
Sevda dolu baxşısanmı?

Çingiz:
Dəli qardaş, gözəl bacı,
Olginən başımın tacı,
Çingizin ümid-əlacı,
Solmaz, səni sanıram mən…

24.11.2016.
Solmaz Şirvanlı – Çingiz Kürdəmirli.
www.kafiye.net