Hesrətlə hicranı büküb bir yerdə,
Gizlədib özümdən uzaq tutardım.
Könlünə bir gecə qonaq gəlsəydim,
Ürəyinə girib orda yatardım …
Qarışıb havayla təmas qurardım
Aldığın nəfəsin , canın olardım
Yıxılıb qalardım sənin qəlbində
Damarında axan qanın olardım…

Səyahət etsəydim sənin ruhuna,
Duyub hənirtini, əlin tutardım.
Ruhuna qovuşub sonsuz dünyada
Əbədi qüssəni, qəmi atardım.

Seadet Rzayeva Qerib
www.kafiye.net