SƏN YOXSAN..

Bahar yerindədir,yaz yerindədir,
Ocaq yerindədir,köz yerindədir,
Bütün gördüklərin öz yerindədir,
Ama nə fayda ki,təkcə sən yoxsan..
*
Çaylar yerindədir,dağ yerindədir,
Çəmən yerindədir,bağ yerindədir,
Zaman yerindədir,çağ yerindədir,
Ama nə fayda ki,təkcə sən yoxsan..
*
Gedir axarıyla bu gözəl həyat,
Gül-çiçək sevinir ,açır qol-qanad,
Yenə əvvəlki tək gülür kainat,
Ama nə fayda ki,təkcə sən yoxsan..
*
Sinəmi dağlayır sənsizlik qəmi,
Yoxdur daha mənə könül həmdəmi,
Həsrətdən olmuşam yelkənsiz gəmi,
Ama nə fayda ki,təkcə sən yoxsan..
*
Hər gün oyanıram sənsiz sabaha,
İnsafsız batma gəl bunca günaha,
Bütün ümidimi kəsmişəm daha,
Ama nə fayda ki,təkcə sən yoxsan..

Nazlı Hacılı
www.kafiye.net

huseyindurmus