Ayrıdı cığır da,ayrıdı yol da,
Ayrıdı nəfəs də,ayrıdı səs də.
Sən gülşəndə açılmamış qönçə gül,
Mənsə bülbül..Bir dar,dəmir qəfəsdə!

Ayrıdı nəfəs də,ayrıdı səs də,
Mən qarlı qış,sənsə bir yaz çağında!
Mənim dilim-dodağım da ah çəkər,
Səninsə nəğmələr var dodağında.

Mən qarlı qış,sənsə bir yaz çağında,
Mən sızqa arx,sənsə coşğun bir dəniz.
Xəmir olub,yoğrulsaq da bir undan,
Bir-birinə day qovuşmaz kündəmiz.

Mən sızqa arx,sənsə coşğun bir dəniz,
Həsrətinə gözüm yumub,yatmaram.
Vəslinə yetməyə can atsam da mən,
Qalıb yarıyolda,sənə şatmaram.

Həsrətinə gözüm yumub,yatmaram,
Tərk edib,day gedər yuxularım da.
Bəlkə də yatsaydım gülüm,bir anlıq,
Mən səni görərdim yuxularımda…

…Tərk edib,day gedər yuxularım da,
Məni yada salmaz nə ay,gün yada.
Nə sən mənə,nə mən sənə yetərik,
Sən də,mən də gülüm,ayrı dünyada!..

Məzahir İsgəndər
www.kafiye.net