Ulduzumsan, günəşimsən, ayımsan,
Varlığımsan, həyatımsan, canımsan,
Sinəmdəki ürəyim, damarımda qanımsan,
Cəmənimdə çiçəyim, həm vaxtım, zamanımsan,
Söylə, daha nə deyim.

Sən mənim məhəbbətim, üzüyümdə qaşımsan,
Əhdimsən, ilqarımsan, sən sevdalı yaşımsan,
Sən mənim şah əsərim, ömrümə yaddaşımsan,
Elə mənim özümsən, bir ömür sirdaşımsan, 
Söylə, daha nə deyim.

Gizlin dolaşan ruhum, sənsizlikdə sənimsən,
Hicrana həsrət deyən, vüsalımsan, ünümsən,
Sən mənim həyat eşqim, vüsal adlı çənimsən,
Sən harayım-hayımsan, saçlarımda dənimsən,
Söylə, daha nə deyim.

Pünhanəyəm, könlünə hər zaman hay-harayam,
Bu sevgidən ömrünə göndərilmiş bir payam,
Səndə özüm tapıb, coşan dənizəm, çayam,
Bu sevgimdən nə gördün, dəyişməzəm, mən oyam,
Söylə daha nə deyim…

Punhane Eliyeva
www.kafiye.net