RAMAZANDA

Tut oruc,qıl namazı
Qalıb ömrünün azı
Allah da olsun razı
Müqəddəs ramazanda..
**
Qoru haqqın yolunu
Əzmə Allah qulunu
Şirin eylə dilini
Müqəddəs ramazanda.
**
Möhkəm sarıl duaya
Vermə vaxtını zaya
Şükr et bu gözəl aya
Müqəddəs ramazanda..
**
Tut əlindən fəqirin
Yemə malın səqirin
At daşını kibirin
Müqəddəs ramazanda..
**
Uyma şeytana,şərə
Zikr et Rəbbi min kərə
Göydən nur yağar yerə
Müqəddəs ramazanda..
**
Çalış hər günahdan qaç
Ehsan eylə,süfrə aç
Taparsan dərdə əlac
Müqəddəs ramazanda..
**
Ömrü vermişik yelə
Bu fürsət düşməz ələ
Tələs haqdan əfv dilə
Müqəddəs ramazanda..

huseyindurmus